18 June 2013

Warner Bros. (HK)《超人: 鋼鐵英雄》詭異送飛事件

好小可有感而發得咁緊要。希望大家都睇晒佢。請先閱讀圖中內文。

事緣Warner Bros. (HK)送《超人: 鋼鐵英雄》MAN OF STEEL 優先場戲飛。先後見《新Monday》同《Unwire》都有份做Media Partner舉辦此活動。





參加者要先容許電影公司檢視個人Facebook資料,包括「興趣及職業等」,再由電影公司根據呢D資料決定得獎者。邊一種職業或興趣中獎機會較高?唔知。仲有根據個人檔案中的哪些資料去決定呢?都唔知。

我天真地相信Warner Bros. (HK)咁大間公司﹐係絕對唔會社會崗位或性別歧視。但係要求用戶先容許電影公司檢視個人資料才可參加,呢種「用你職業同興趣決定揀唔揀你﹐而且你唔會知邊D職業及興趣會被揀中」的方法決定得獎者,實在好難唔令人懷疑:

1. 電影公司宣傳人員會揀D佢認為會讚部戲機會較大的職業做得獎者,從而搏取口碑。我的興趣係睇愛情片﹑鬼片﹐你會揀我嗎? 我的職業係家務助理﹑行政總裁,你會揀我嗎?

2. 揀D佢認為會讚部戲機會較大的年齡層做得獎者。我係中學生(唔係太清楚超人的背景故事),你會揀我嗎?我係退休長者,唔知咩戲黎架,送飛咪參加囉,你會揀我嗎?

3. 根據性別揀人。咦喂,參加者絕大部份係男士喎,比例上揀多D女仔先得

4. (更甚者)揀D profile picture 靚仔靚女先

5. (更更甚者)死火喇,我地唔夠傷殘座位,揀D健全既得獎者先

我估,優先場散場時,電影公司會即場訪問觀眾,覺得部戲好唔好睇,然後將片段剪輯上網。係的話,即刻明晒。

鬼哥做網佬呢行十幾年,對住廣大網友,當然知道要公平及合法地去舉辦呢類有獎活動係幾咁艱辛,幾咁多障礙。搞親都係修羅級的複雜程度。

但係做得online marketing,就係要你守住呢D底線,就係要你取得平衡,錫住D相信你的用家們。

可能正正因為自己真係會俾心機搞,先至特別睇唔過眼人地扮做,Hea搞。

Warner Bros. Marketing,你地認真諗諗佢。

回頭,是岸也。

No comments: